مخلص رہیں
ہر اُس شخص کے ساتھ
جس نے آپ کی زندگی
میں
خوشی کا ایک لمحہ
جگایا ہو،
روشنی کی ایک کرن
لائی ہو،
یا امید کی زنجیر
تھمائی ہو۔
وہ شخص،
جس کے ایک لفظ نے
آپ کے دل کو بہلایا،
جس کے ایک ہنسی بھرے
جملے نے
آپ کے چہرے پر
مسکراہٹ بکھیری۔
جس کی نصیحت نے
آپ کے کردار میں
نکھار پیدا کیا،
جو آپ کے دل کے زخموں
پر
امید کا مرہم رکھ
گیا۔
مخلص رہیں
اس کے ساتھ
جس نے اپنا قیمتی وقت
نکال کر
زندگی کا کوئی سبق
دیا،
یا محبت کے چند لمحے
بانٹے۔
اس کی عزت کریں
جس نے آپ کی مرجھائی
روح میں
نئی زندگی کا چراغ
جلایا،
اور اندھیروں کو
روشنی میں بدلا۔
محبت کریں
ہر اُس لمحے سے،
ہر اُس رنگ سے
جو آپ کی زندگی میں
خوشیوں کی بہار
اور امید کی کرن لے
کر آیا۔
کہیں یہ خوشبو
زندگی سے رخصت نہ ہو
جائے،
کہیں یہ روشنی
اندھیروں میں نہ گم
ہو جائے۔
مخلص رہیں
تاکہ یہ دنیا بھی
آپ کے ساتھ مخلص رہے۔
✍️ از قلم: ڈاکٹر اسد رضا
No comments:
Post a Comment