مجھے زندگی سے کیا ملا مجھے زندگی سے گِلہ نہیں
میں نے زندگی کو وہ دیا جو زندگی سے مِلا نہیں
کبھی الفتیں کبھی تلخیاں وہ دوستوں کی سر مستیاں
میں زندگی سے جُڑا رہا مگر زندگی سے وفا نہیں
سرِ راہ ملے کبھی جستجو جو میرے اپنے تھے سدا رہے
میں سب سے باوفا رہا مجھے کسی سے صِلہ نہیں
یہ زندگی اک خواب تھا اک خواب ہے اک خواب سا
میں عمر بھر اُسے پوجتا رہا جو زندگی بھر ملا نہیں
دیس میں کم از کم ایک تو ایسا قانون ہونا چاہیے
ذاتی انا کے لئے مذہب کا استعمال ممنوع ہونا چاہیے
راشی، کرپٹ و قاتل عمرِ آخر میں ہو جاتے ہیں مذہبی رہنما
کوئی تو ان کے کردار کے تجزیے کا بھی اصول ہونا چاہیے
اس ملک میں سب سے آسان ہے مذہبی ٹھیکیدار بننا
حقیقی مذہبی تعلیم و تربیت کا بھی کوئی ایک سکول ہونا چاہیے۔
میرے لفظوں کو دنیا میرے بعد سمجھے گی
جب نہیں ہوں گا تو مجھے خاص سمجھے گی
جیتے جی مقدر ہیں بے رخی نفرتیں حسد و بغض
بعد مرنے کے مجھے اپنے دل کا خواب سمجھے گی
حیات بھر ملیں مجھے حقارتیں تنہایاں اُداسیاں
مرے تو خاکِ تربت پاس رکھنا ثواب سمجھے گی
(ڈاکٹر اسدرضا)